Музей форума дьякона Кураева (1999 - 2006)

Господи Иисусе Христе, Агнче Божий вземляй грех мира, восходом Твоим на Голгофскую Гору искупил еси ны от клятвы законныя и возставил еси Твой падший образ, на Кресте пречистые Твои руки прострый, да чада Божии расточенныя собереши воедино, и низпосланием Пресвятаго Духа в соединение вся призвавый. Ты убо Сый Отчее Сияние; пред исходом Своим на сие мироискупительное священнодействие, молился еси Отцу Твоему, да будем вси едины, якоже Ты един еси со Отцем и Духом Святым, даждь убо нам благодать и мудрость исполнити сию заповедь на всяк день, и укрепи нас на подвиг той любви, юже заповедал еси нам, рекий: да любите другъ друга, якоже возлюбих вы. Духом Твоим Святым даждь нам силу смирятися друг пред другом, поминая, яко кто больше любит, той и больше смиряется; научи нас молитися друг за друга, нести тяготы друг друга в терпении, и объедени нас союзом любве нерушимыя во едино стадо послушных овец, даруй нам зрети в каждом брате и сестре нашей образ Твоея неизреченныя славы. Ей, Господи, собравый нас благоволением Твоим, сотвори нас быти воистину во едину семью, живущую единым сердцем, единой волею, единой любовию, яко един человек, по предвечному совету Твоему, об Адаме первороднем. Утверди, защити и покрый место сие, еже насади десница Твоя, и покрый е покровом Пречистыя Твоея Матерее, благослословляя и заступая коегождо зде, сохраняя же и нас от тлетворных помыслов, от неподобающих слов и движений сердечных, могущих разрушить священное дело нашего служения… Да обрящем вси покой в Тебе, кротком и смиренном Царе нашем ныне, и присно, и во веки веков. Аминь.