Музей форума дьякона Кураева (1999 - 2006)

о плодоносящей ТатианеЕще молимся о рабе Божией Татиане , о еже укрепленней быти ей в час предстоящего ея порождения, рцем вси Господи, спаси и помилуй. Пресвятая Богородице, спаси нас! Пресвятая Дево, Мати Господа нашего Иисуса Христа, яже веси рождение и естество матери и чада, помилуй рабу Твою Татиану и помози ей час сей разрешится бремене своего благополучно. О всемилостивая Владычице Богородице, яже не потребовала еси помощи в рождении Сына Божия, подаждь помощь рабе Твоей Татиане, помощи требующей, наипаче же от Тебе. Даруй ей благомощие в час сей, и младенца иже имать родитеся и внити в свет мiра сего сподоби в благопотребное время и умнаго света во святем Крещении водою и Духом. Тебе припадаем Мати Бога Вышняго молящеся: Буди милостива Мати, яко прииде время бытии ей матерiею, и умоли воплотившагося из Тебе, Христа Бога нашего, да укрепит ее силою Своею свыше. АМИНЬ. Господи помилуй, Господи помилуй, Господи помилуй! Господи Иисусе Христе Боже наш, от превечнаго Отца рожденный Сыне прежде век, и в последния дни, благоволением и содействием Святаго Духа, изволивый рождену быти от Пресвятыя Девы яко младенцу, повиену и положену во ясли, Сам Господи, в начале сотворивый человека и жену спрягий ему, заповедь дав им: Раститеся и множитеся и наполните землю, помилуй по велицей милости рабу Твою Татиану готовящуюся родити по заповеди Твоей. Прости ей вольныя и невольныя грехи, благодатию Твоею даруй ей силу благополучно разрешитеся от бремени своего, сохрани ее и младенца во здравии и благомощии, огради их ангелы Твоими и сохрани от неприязненнаго действия лукавых духов, и от всякия вещи злыя. Молитвами пречистыя Твоея Матери, святых и праведных Захарии и Елисаветы, преподобных и Богоносных отец наших Серафима Саровского и Давида Гареджийского, святых Царственных страстотерпцев Государя Императора Николая, Царицы Александры, и чад их Царевича Алексия, Царевен Ольги, Татианы, Марии и Анастасии, святых и праведных Богоотец Иоакима и Анны и всех Твоих святых. АМИНЬ. Спаси Христос!