Музей форума дьякона Кураева (1999 - 2006)

1. Отрицающим бытие Божие и утверждающим, яко мир сей есть самобытен, и вся в нем без промысла Божия и по случаю бывают, анафема (трижды). 2. Глаголющим Бога не быти дух, но плоть: или не быти Его Праведна, Милосерда, Премудра, Всеведуща и подобная хуления произносящим, анафема (трижды). 3. Дерзающим глаголати, яко Сын Божий не Единосущныый и не равночестный Отцу такожде и Дух Святый, и исповедующим Отца и Сына и Святаго Духа не единаго быти Бога, анафема (трижды). 4. Безумне глаголющим, не нужно ко спасению нашему и ко очищению грехов пришествие в мир Сына Божия во плоти и Его вольное страдание, смерть и воскресение, анафема. 5. Не приемлющим благодати искупления Евангелием проповеданнаго, яко естественнаго нашего ко оправданию пред Богом средства, анафема (трижды). 6. Дерзающим глаголати, яко Пречистая Дева Мария не бысть прежде рождества, в рождестве и по рождестве Дева, анафема (трижды). 7. Не верующим, яко Дух Святый умудри пророков и апостолов, и чрез них возвести нам истинный путь к вечному спасению, и утверди сие чудесами, и ныне в сердцах верных и истинных христиан обитает и наставляет их на всякую истину, анафема (трижды). 8. Отмещущим безсмертие души, кончину века, суд будущиий и воздаяние вечное за добродетели на небесех, а за грехи осуждение, анафема (трижды). 9. Отмещущим вся таинства Святая, Церковью Христовою содержимая , анафема (трижды). 10. Отвергающим Соборы Святых Отец и их предания, Божественному откровению согласная и Православно-Кафолическою Церковью благочестно хранимая , анафема (трижды). 11. Помышляющим, яко православные Государи возводятся на престолу не по особливому о них благоволению, и при помазании дарования Святаго Духа к прохождению великаго сего звания в них не изливаются: и тако дерзающим противу их на бунт и измену , анафема (трижды). 12. Ругающим и хулящим Святыя иконы, ихже святая Церковь ко воспоминанию дел Божиих и угодников Его ради возбуждениия взирающих на оныя ко благочестию, и ко оных подражани