Музей форума дьякона Кураева (1999 - 2006)

Темы Участники Поиск

О непраздных женах

Катя К.
православный христианин
Тема: #2517
1999-10-29 23:46:31
Сообщений: 1
Оценка: 0.00
МОЛИТВА КО ПРЕСВЯТОЙ БОГОРОДИЦЕ Пресвятая Дево, Мати Господа нашего Иисуса Христа, яже веси рождение и естество матере и чада, помилуй рабу Твою /имя/ и помози в час сей да разрешится от бремене своего благополучно. О Всемилостивая Владычице Богородице, яже не потребовала еси помощи в рождении Сына Божия, подаждь помощь сей рабе Твоей помощи требующей, наипаче же от Тебе. Даруй ей благомощие в час сей, и младенца иже имать радитися и внити в свет мира сего сподоби в благопотребное время и умнаго света во святем крещении водою и духом. Тебе припадаем, Мати Бога Вышняго, молящеся: Буди милостива мати сей, ейже прииде время быти мати, и умоли воплотившагося из Тебе Христа Бога нашего, да укрепит ю силою свыше. Яко держава Его благословена и препрославлена, со безначальным Его Отцем и с Пресвятым и благим и животворящим Его Духом, ныне и присно и во веки веков. Аминь. МОЛИТВА КО ГОСПОДУ ИИСУСУ ХРИСТУ Господи Иисусе Христе Боже наш, от превечнаго Отца рожденный Сыне прежде век, и в последния дни, благоволением и содействием Святаго Духа, изволивый рождену быти от Пресвятыя Девы яко младенцу, повиену и положену во ясли, Сам Господи, в начале сотворивый человека и жену спрягий ему, заповедь дав им: Раститеся и множитеся и наполните землю, помилуй по велицей милости Твоей рабу Твою /имя/, готовящуюся родити по заповеди Твоей. Прости ей вольныя и невольныя грехи, благодатию Твоею даруй ей силу благополучно разрешитися от бремене своего, сохрани сию и младенца во здравии и благомощии, огради я Ангелы Твоими и сохрани от неприязненного действия лукавых духов, и от всякия вещи злыя. Яко благ и человеколюбец Бог еси и Тебе славу возсылаем Отцу и Сыну и Святому Духу, ныне и присно и во веки веков. Аминь.
Фото
Игорь М.
православный христианин

Тема: #2517
Сообщение: #71030
2000-05-18 21:00:56
Ответ автору темы | Игорь М. православный христианин
МОЛИТВА КО ПРЕСВЯТОЙ БОГОРОДИЦЕ ПРЕД ИКОНОЮ ЕЁ, именуемой “МЛЕКОПИТАТЕЛЬНИЦА“ (12/25 января) Приими, Госпоже Богородительнице, слезные моления рабов Твоих, к Тебе притекающих. Зрим Тя на святой иконе, на руках носящую и млеком питающую Сына Твоего и Бога нашего, Господа Иисуса Христа. Аще и безболезненно родила еси Его, обаче матерния скорби веси и немощи сынов и дщерей человеческих зриши. Темже тепле припадающе к цельбоносному образу Твоему и умиленно сей лобызающе, молим Тя, всемилостивая Владычице: нас, грешных, осужденных в болезнех родити и в печалех питати чада наша, милостивно пощади и сострадательно заступи, младенцы же наша, такожде и родившия их, от тяжкого недуга и горькия скорби избави. Даруй им здравие и благомощие, да и питаемии от силы в силу возрастати будут, и питающия их исполнятся радостию и утешением, яко да и ныне предстательством Твоим из уст младенец и ссущих Господь совершит хвалу Свою. О Мати Сына Божия! Умилосердися на матери сынов человеческих и на немощныя люди Твоя: постигающия нас болезни скоро исцели, належащия на нас скорби и печали утоли, и не презри слез и воздыханий рабов Твоих. Услыши нас в день скорби пред иконою Твоею припадающих, и в день радости и избавления приими благодарные хваления сердец наших. Вознеси мольбы наша к престолу Сына Твоего и Бога нашего, да милостив будет ко грехом и немощем нашим и пробавит милость Свою ведущим имя Его, яко да и мы, и чада наша, прославим Тя, милосердую Заступницу и верную надежду рода нашего, во веки веков. Аминь.