Музей форума дьякона Кураева (1999 - 2006)

ЧИН ТОРЖЕСТВА ПРАВОСЛАВИЯ Текст анафематизмов Последования в Неделю Православия приводится по книге “Новый Маргарит”, Калгари. 1998 г. Это - сокращенный вариант древнего церковного чина, принятый в Российской Церкви в конце XVIII века. Древнецерковный его вариант значительно более подробен и объемист. Первые 12 анафематизмов провозглашались в Российской Православной Церкви. Остальные, выделенные курсивом, провозглашаются в храмах РПЦЗ и РосПЦ Отрицающим бытие Божие и утверждающим, яко мир сей есть самобытен и вся в нем без промысла Божия и по случаю бывает АНАФЕМА Глаголющим Бога не быти дух, но плоть; или не быти Его праведна, милосерда, премудра, всеведуща и подобная хуления произносящим АНАФЕМА Дерзающим глаголати, яко Сын Божий не единосущный и не равночестный Отцу, такожде и Дух Святый, и исповедающим Отца, и Сына, и Святого Духа не единого быти Бога АНАФЕМА Безумне глаголющим, яко не нужно быти ко спасению нашему и ко очищению грехов пришествие в мир Сына Божия во плоти, и Его вольное страдание, смерть и воскресение АНАФЕМА Неприемлющим благодати искупления Евангелием проповеданного, яко единственного нашего ко оправданию пред Богом средства АНАФЕМА Дерзающим глаголати, яко Пречистая Дева Мария не бысть прежде рождества, в рождестве и по рождестве Дева АНАФЕМА Неверующим, яко Дух Святый умудри пророков и апостолов и чрез них возвести нам истинный путь к вечному спасению, и утверди сие чудесами, и ныне в сердцах верных и истинных христиан обитает и наставляет их на всякую истину АНАФЕМА Отмещущим бессмертие души, кончину века, суд будущий и воздаяние вечное за добродетели на небесех, а за грехи осуждение АНАФЕМА Отмещущим все таинства святая, Церковью Христовою содержимая АНАФЕМА Отвергающим соборы святых Отец и их предания, Божественному Откровению согласная, и Православно-Кафолическою Церковью благочестно хранимая АНАФЕМА Помышляющим, яко православнии Государи воводятся на престолы не по особливому о них Божию благоволению и при помазании на царство дарования Духа Святаго к прохождению великого сего звания на них не изливаются: и тако дерзающим протиу их на бунт и измену АНАФЕМА Ругающим и хулящим святыя иконы, ихже Святая Церковь к воспоминанию дел Божиих и угодников Его, ради возбуждения взирающих на оныя ко лагочестию, и ко оных подражанию приемлет, и глаголющим оныя быти идолы АНАФЕМА Теософом и прочим еретиком, дерзающим глаголати и пребезумне учити, яко Господь наш иисус Христос не единожды на землю сниде и воплотися, но мнодицею воплощашеся, такожде и отрицающим, яко истинная премудрость Отчая есть Сын Его единородный и вопреки Божественному Писанию и учению святых Отец ищущим иныя премудрости АНАФЕМА Масоном, оккультистом, спиритом, чародеем и всем, иже не Единому Богу веруют, но бесов почитают, и не Богу смиренно жизнь свою предают, но чародейным бесов призыванием грядущее ведети тщатся АНАФЕМА Отступающим от Православныя веры и приемлющим иныя исповедания на соблазн братиям нашим и отпадающим в расколы АНАФЕМА Богопротивным человекам злым, дерзнувшим даже и на убиение Божия святаго Царя-мученика АНАФЕМА Гонителем Христовыя Церкви, нечестивым отступником, подъявшим руки на священнослужителей Божиих, попирающим святыцни, разрушающим храмы Божии, истязующим братию нашу и осквернившим отечество наше АНАФЕМА Нападающим на Церковь Христову и учащим, яко Оная разделися на ветви, яже разнятся своим учением и жизнью, и утверждающим Церковь не сущу видимо быти, но от ветвей, расколов и иноверий соединитися имать во едино тело; и онем, иже не различают истинного священства и таинств Церкви от еретических, но учат, яко крещение и евхаристия еретиков довлеют ко спасению; и онем, иже имут общение с сими еретики или пособствуют им, или защищают их новую ересь экуменизма, мняще ю братскую любовь и единение разрозненных христиан быти АНАФЕМА