Музей форума дьякона Кураева (1999 - 2006)

Молитва новомученикам и исповедникам Российским Святии новомученицы и исповедницы Церкви Российския, услышите усердную мольбу нашу! Вемы, яко нецыи от вас, еще отроцы суще, послушающе о древлих страстотерпцех, в сердце своем помыслиша, колико прелюбезно и доброхвально есть таковым подражати, ихже ни муки ни смерть не разлучиша от любви Божия. Благо же вам, яко последовали есте вере и терпению тех, о нихже слышасте и ихже возлюбисте. А понеже на всякое время возможно есть наити на ны испытанием нечаянным, испросите от Господа нам мужества дар, иже толико благопотребен есть в житии человечестем . Вся концы отечества нашего страданьями своими освятившии, яко общии за вся ны молитвинницы, умолите Бога, избавити люди своя от ига, ужаснейшего паче всякаго инаго. И да отпустится нам и всему роду нашему грех, на народе российском тяготеющий: убиение царя, помазанника Божия, святителей же и пастырей с паствою, и страдания исповедников и осквернение святынь наших. Да упразднятся расколы в Церкве нашей, да будут все едино и да изведет Господь на жатву делатели Своя, сиесть да неоскудевает Церковь пастырьми добрыми, иже имут просвещати столь великое множество людей вере ненаученных, или о веры отвратившихся. Недостойны есмы милости Божия, обаче страданий ваших Христос Бог наш да ущедрит и помилует всех нас, в помощь вас призывающих. Мы же Ему, Спасителю нашему, со Отцем и со Святым Духом сокрушение о гресех и благодарение за вся всегда да приносим, славяще Его во веки веков. Аминь.